Gitudlo ni Finance Secretary Frederick Go ang Business Process Outsourcing (BPO), semiconductor ug electronics manufacturing, ug renewable energy isip mga sektor nga papas nga milago ug nakahatag sa mas daghang trabaho sa mga Pilipino. Sa iyang pahayag sa iMF-World Bank Spring Meeting 2026, misulti si Go nga padayong nga naga dako ang BPO industry sa nasud, nga karon naka focus na sab sa artificial intelligence, data analytics, IT-enabled services.
Sumala pa ni Felipe Jaramillo, Vice President for Asia Pacific sa World Bank, nga angay sundogon sa East Asia Pacific isip ehemplo ang Pilipinas sa pagbalhin sa mas high-value services. Gisaysay sab ni Go ang nagka dako nga semiconductor ug electronics sector nga kompanya sama sa Samsung, nga naghatag og dugang investments ug trabaho.
Sabay niini, ang nagkakusog nga renewable energy projects sa nasud, sama sa wind solar ug geothermal energy.Aron mapadayon ang job creation, gisugyot karon sa gobyerno ang mga reporma sama sa CREATE MORE Act ug Public-Private Partnership Code, nga nagahag og long-term incentives ug makapakusog sa investor confidence.
Base sa datos sa Philippine Authority Statistics Authority (PSA), nga mikunhod sa 2.66 milyon ang ihap sa mga unemployed Filipinos niadtong Pebrero 2026 gikan sa 2.96 milyon niadtong Enero. Bisan pa man, mas taas gihapon kini kumpara sa 1.94 milyo niadtong Pebrero 2025, diin mas daghang unemployed kaysa sa aktwal nga nadawat sa labor market.
