Girekomenda sa Land Transportation Office (LTO) nga hingpit na nga pugngan ang pagpahigayon sa Boss Ironman Motorcycle Challenge (BIMC).
Kini human matala ang pipila ka mga aksidente sa karsada.
Gimanduan usab ni LTO Chief Assistant Secretary Markus Lacanilao ang pangulo sa BIMC nga isumite ang iyang driver’s license samtang ginahimo ang imbestigasyon.
Sumala sa kalihim, nagpadayon ang ilahang imbestigasyon tungod sa kadaghan sa mga paglapas sa balaod trapiko nga gihimo sa mga miapil sa maong kalihokan.
Base sa inisyal nga taho sa LTO, unom (6) ka mga pedestrian ug mga participant ang naangol, diin usa ang namatay sa kalihokan nga gihimo niadtong Enero 31 ug Pebrero 1 sa General Santos City.
Gipaklaro sa LTO nga wala sila naghatag og bisan unsang permit ug daghan sila’g nakita nga mga paglapas.
