Daghan ang nakurat sa pamahayag ni Sen. Imee Marcos kagahapong adlawa human niini giakusahan ang iyahang igsoon nga si Pang. Ferdinand Marcos Jr. nga nagagamit matud pa og ginadili nga droga.
Gawas sa Presidente, gibutyag usab sa senadora nga ang First Lady nga si Liza Araneta-Marcos ang tig-gamit usab og droga. Wala pa klaro kung adunay ebidensya nga ipagawas si Senadora Marcos aron pamatud-an ang iyang mga pamahayag.
Ang tipik sa pamahayag ni Senadora Imee Marcos.
Samtang, gitawag usab ni Usec. Claire Castro nga usa ka “desperadong lakang” ang akusasyon ni Sen. Imee Marcos batok sa Presidente.
Matod ni Castro, usa kuno ka “desperadong lakang” ang gibuhat ni Senadora Imee sa pag-akusa sa iyang igsoon nga nagakosumo og ginadili nga droga.
Gihagit pa ni Castro ang senadora nga imbes moakusar, motabang na lamang unta siya sa Presidente sa paglimpyo sa gobyerno.
Walay basihanan sumala pa ang pahayag ni Sen. Imee Marcos tungod una na nga gikumpirma sa St. Luke’s nga negatibo ang Presidente sa drug test.
Dugang pa ni Castro nasayo na sumala pa sila kung unsa ang tumong niini.
