Gitudlo ni Pope Leo XIV si Bishop Abel Apigo sa Mati City isip bag-ong Arsobispo sa Davao human gidawat ang pagretiro ni Archbishop Romulo Valles karong Nobyembre 9, 2026.
Si Valles, nga niabot na sa mandatory retirement age nga 75 anyos niadtong Hulyo, nangulo sa Archdiocese of Davao sulod sa hapit 14 ka tuig.
Si Apigo, nga 58 anyos, mao ang ikalimang Arsobispo sa Davao. Naordinahan siya isip pari sa Archdiocese of Davao niadtong Abril 18, 1994, ug gitudlo ni Pope Francis isip Obispo sa Mati niadtong Pebrero 10, 2018.
Sa wala pa ang iyang pagtudlo isip Obispo, nagserbisyo siya isip propesor, dean, vice rector ug rector sa St. Francis Xavier Regional Major Seminary of Mindanao.
Wala pa ipahibalo ang petsa sa pormal nga paglingkod ni Apigo isip bag-ong Arsobispo sa Davao.
