Nagtanyag ang Estados Unidos og reward money nga mokabat sa $20 milyon nga tugbang sa ₱1,262,160,000 alang sa bisan kinsang makahatag og impormasyon nga makatabang sa pag-ila sa mga lugar diin gihimo o gipalambo ang mga nuclear weapon sa Iran.
Lakip usab sa tanyag sa Rewards for Justice sa US State Department ang pagbalhin sa puy-anan sa mga tawo nga makahatag og mapuslanong impormasyon.
Misunod kini sa nangaging pahayag ni US President Donald Trump nga hingpit nang naguba sa ilang operasyon ang mga nuclear facility sa Iran.
Samtang, nagtukod ang US Central Command og Task Force Iron Gate nga magbase sa Tampa, Florida.
Nagtuo usab ang US Central Command nga nakababag ang ilang naval blockade sa mga paningkamot sa Iran nga makapasulod og mga materyales nga mahimong gamiton sa paghimo og nuclear weapons.
Sumala sa US Central Command, usa sa mga hinungdan sa pagtanyag sa reward money mao ang giingong paglapas sa Iran sa mga lagda ug kinahanglanon nga gipatuman sa International Atomic Energy Agency (IAEA).
