Gikumpirma sa Israel nga nakabalik na sa ilang mga panimalay ang kataposang 20 ka bihag sa Hamas.
Kini nga mga bihag gihuptan sa Hamas sulod sa kapin duha ka tuig.
Ang maong pahibalo gihimo samtang anaa si US President Donald Trump sa Israel human niining iduso ang ceasefire deal tali sa Hamas ug Israel.
Nakadawat si Trump og standing ovation gikan sa mga mababalaod sa Israel tungod sa kalampusan sa ceasefire deal.
Nagkatigum ang mga tawo sa Tel Aviv aron ipakita ang suporta sa mga pamilyang nakabalik ang mga minahal nga bihag, diin napuno sa emosyon ang lugar tungod sa pagpagawas sa mga bihag.
Sa nasampit nga ceasefire deal, ipagawas usab sa Israel ang mga 2,000 ka preso nga Palestino.
Daghang mga tawo ang nagtigum sa Ramallah City sa Palestine aron maghulat sa pag-abot sa unang bus nga nagdala sa mga preso.
Lakip sa mga papagawason ang 250 ka security detainees nga nalambigit sa pagpatay sa mga Israeli ug 1,700 ka mga nadakpan nga sundalo sa Israel sa Gaza atol sa giyera.
