Misaka na sa kapin 800 ka mga tawo ang gimando nga namatay ug kapin 2,800 ang nasamdan human sa usa ka linog nga magnitude 6.0 nga mitay-og sa sidlakang bahin sa Afghanistan kagahapong adlawa.
Ang maong katalagman misamot sa kalisod nga giatubang sa pamunuang Taliban, nga naningkamot nga masulbad ang grabe nga krisis sa kagutom, pagkunhod sa internasyonal nga tabang, ug pugsanong pagpauli sa mga Afghan gikan sa mga kasikbit nga mga nasud.
Sumala sa tigpamaba sa health ministry nga si Sharafat Zaman, nanginahanglan sila og tabang gikan sa ubang mga nasud aron matubag ang kalapdon sa kadaot.
Nasayran nga ang labing grabe nga kadaot natala sa mga lalawigan sa Kunar ug Nangarhar, diin tulo ka mga baryo sa Kunar ang hingpit nga nawagtang.
Samtang anaa sa 610 ang napatay sa Kunar, samtang 12 sa Nangarhar.
Subay sa Ministry of Defense, 40 ka mga rescue flights ang gihimo, nga nag-transport sa kapin 420 ka mga tawo nga nakabsan ug samdan.
Kahinumduman nga sukad milingkod sa gahum ang grupo nga Taliban niadtong 2021, ikatulo na kini nga dako nga linog nga miigo sa nasud.
Apan bisan pa niini, dakong pagkunhod sa humanitarian aid ang nasinati gikan sa $3.8 billion niadtong 2022, nahimong $767 million na lamang karong tuiga.
