Samtang, pagkahuman sa usa ka tuig nga walay alokasyon, makadawat na sa sunod tuig og P53.3 bilyon nga pondo ang Philippine Health Insurance Corp. (PhilHealth) ubos sa giproposed nga 2026 National Expenditure Program (NEP) sa Department of Budget and Management (DBM).
Ang P53.3 bilyon nga pondo mahimong gamiton aron tabangan ang mga indirect contributors sa PhilHealth, apil na ang mga kabus ug pasyenteng walay kapasidad nga mobayad sa ilang tambal o operasyon.
Lakip kini sa mas dako nga pondo nga gi-allocate sa sektor sa panglawas, nga mitaas og 23.6 porsyento tandi sa miaging tuig.
Ang kapin P6.793 trilyon nga NEP gitunol na sa DBM ngadto sa House of Representatives ug pagahisgutan sa sunod bulan aron maghimo og General Appropriations Bill (GAB) sa dili pa matapos ang 2025.
