-- ADVERTISEMENT --
Gisiguro sa Department of Education (DepEd) nga magpatuman kini og mga reporma sa basic education sa tibuok nasud.
Kini nga lakang misunod human malista ang Pilipinas sa ika-74 nga pwesto sa 117 ka mga nasud sa Global Education Future Readiness Index (GEFRI) 2025.
Nakakuha ang Pilipinas og GEFRI score nga 56.32 gikan sa posible nga 100 puntos, ug napasulod kini sa top five nga pinakaubos nga ranggo sa Southeast Asia.
Sumala sa DepEd, usa sa mga giplanong reporma mao ang pagtukod og Education Center for Artificial Intelligence Research.
Nagtuo ang DepEd nga ang paggamit sa AI (Artificial Intelligence) makatabang og dako sa pagtudlo ug pagtabang sa mga magtutudlo sa ilahang mga klase.
-- ADVERTISEMENT --
