Gikompirma ni Japanese Chief Cabinet Secretary Yoshimasa Hayashi nga namatikdan nila sa kadagatan sa ilang nasod ang Liaoning aircraft carrier sa China.
Kahinumduman nga ang Liaoning carrier, nga giubanan sa pipila ka barko, miagi sa Exclusive Economic Zone (EEZ) sa Japan duol sa Minamitorishima, usa ka hilit nga isla sa habagatan-sidlakang bahin sa Iwo Jima.
Namatikdan usab ang mga fighter jet ug helicopter nga naglupad-lupad gikan sa Liaoning.
Tungod niini, gipahayag ni Hayashi nga palig-unon sa Japan ang ilang surveillance ug padayon nga mangolekta og impormasyon bahin sa mga lihok sa fleet sa China.
Nagpadala usab ang pamunoan sa Japan ngadto sa China og mensahe bahin sa maong insidente.
Sa laing bahin, gipanghimatuud sa Ministry of Foreign Affairs sa China nga ang paglawig sa Liaoning sumala sa international law ug nag-ingon nga ang ilang nasod adunay kaugalingon nga national defense policy.
Gidasig usab niini ang Japan nga tan-awon ang isyu nga “objectively” ug “rationally.”
