Lauman nga moubos ang pamasahe sa mga eroplano sa umaabot nga bulan sa Hunyo.Kini mahitabo human ipatuman sa Civil Aeronautics Board (CAB) ang labing ubos nga fuel surcharge.Sumala sa CAB, gipaubos nila ang surcharge ngadto sa Level 3 alang sa Hunyo, gikan sa Level 4 karong Mayo.
Tungod niini, ang mga pasahero magabayad og dugang nga P83 hangtod P300 alang sa domestic flights, ug P273.36 hangtod P2,032.54 alang sa international flights ubos sa Level 3.Mas ubos kini kung itandi sa Level 4 nga nagrange gikan sa P117 hangtod P342 alang sa domestic flights, ug P385.70 hangtod P2,867.82 alang sa international flights.
Ang fuel surcharges mao ang dugang bayad nga gipatuman sa mga airline companies aron matabangan sila sa pagtabon sa gasto sa gasolina. Kini lahi sa base fare nga mao ang aktuwal nga bayad sa pasahero alang sa ticket.
