Gilimod ni Presidente Ferdinand Marcos Jr. nga aduna kini papel sa pag-impeach kang Bise President Sara Duterte.
Gikanayon niini nga ang executive branch walay kalabotan sa impeachment.
Gitataw usab sa presidente nga dili kalikayan nga hisgutan ang nasangpit nga butang sa matag higayon nga makigkita kini kang Speaker Martin Romualdez ug pipila ka mga kongresista.
Gikwestiyon usab sa presidente ang maong laraw sa mga kongresista ug gibutyag nga dili na kini kalikayan gumikan nagpadayon na ang impeachment.
Sa higayon nga mapasaka na ang impeachment, matod pa niini wala na kini mahimo pa gumikan mao kini ang mandato sa mga magbabalaod nga nalatid sa konstitusyon.
Mag-obserbar na lamang matud pa kini ug dili manghilabot ang executive branch sa mga impeachment trials.
Dugang usab niini, nga ang anak nga kongresista nga si Ilocos Norte First District Rep. Sandro Marcos, gibuhat lamang ang iyang katungdanan sa konstitusyon isip pagtubag sa impeachment mao nga kini ang una nga nakapirma sa ikaupat nga impeachment complaints batok sa Bise Presidente.
Masaligon usab ang Presidente nga ang pag-uswag sa impeachment dili makaapekto sa pagtubo sa nasud.
Kahinumdoman, nga una na nga gisaysay sa Presidente nga dili kini interesado nga moduso ang mga magbabalaod og impeachment kang VP Sara gumikan dili sumala pa makaayo sa katawhan.
