Gitugtan na sa Department of Agriculture (DA) ang importasyon sa mga breeder nga kanding ug karnero aron mapalambo ang kalidad sa kahayupan ug mapausbaw ang produksiyon sa karne, ilabi na dinhi sa Mindanao.
Sumala pa ni Agriculture Secretary Francisco Tiu-Laurel Jr.,nga tumong sa maong programa mao ang pagpalambo sa genetic quality sa mga mananap ug pagsuporta sa sektor sa pagpanguma.
Naglakip ang import sa 155 Anglo Nubian bucks, 175 Boer bucks, ug 1,190 Boer do nga ipang-apod-apod sa mga mag-uuma sa Cebu ug North Cotabato.
Samtang, adunay dugang 260 ka mga Dorper rams ug 4,050 Dorper ewes ang mapadulong sa North Cotabato.
Nasayran nga giponduhan ang maong proyekto sa 2024 nga badyet, ug ipanghatag sa National Livestock Program.
Ang imported nga mga hayop kinahanglang molapas sa gikatakdang gibug-aton ug edad, ug nagkantidad gikan sa USD500 ngadto sa USD 5,000 kon PHp 29,000 ngadto sa dul-an Php 300,000.
