Gipahayag sa Commission on Elections nga ilaha na sumala pang ibaligya ang mga dili na magamit nga mga Precinct Count Optical Scan (PCOS) machine, ug uban pang mga gamit nga gigamit sa nakalabayng eleksyon.
Sumala pa sa memorandum nga gipaguwa sa komisyon, gidawat sa COMELEC En Banc ang nahimong rekomendasyon sa COMELEC Disposal Committee (CDC) nga ibaligya na ang mga dili na ginagamit nga mga PCOS Machines, plactic bins with covers, ballot boxes, ug mga plastic pallets nga sa kasamtangan, anaa sa mga warehouse sa Manila, Las Pinas, ug Sta. Rosa Laguna.
Girekomenda sab sa komite nga ibaligya kini sa Microsphere System Technology sa kantidad nga P12.26 Million ang mong mga makina.
Samtang, sa RHT Storage Center sab ibaligya ang mga PCOS/VCM plastic bins with covers, yellow metal ballot boxes, ug plastic pallets sa kantidad nga P202,800.
Giduso sab sa komisyon nga dalion na sa pagkuha sa mga bidders ang maong mga kagamitan sa mga warehouse, human nga makompleto na ang bayad sa komisyon.
Samtang sa laing bahin, gipahayag sab ni COMELEC Chairman George Erwin Garcia, nga kasamtangan sumala pa sila nga nakadawat og mga taho gikan sa mga kandidato nga aduna matud pay naga-ingganyo na ngadto kanila og siguradong kadaugan pinaagi sa pagpanikas sa Eleksyon.
Sumala pa, nga ang baylo niini labot sa kasiguradohan nga kadaugan sa mga kandidato, mao ang kantidad sa kwarta nga anaa sa 70 hangtod 100 milyon pesos.
