Gidili na sa Bureau of Corrections (BuCor) ang paggamit sa mga social media platforms samtang anaa sa sulod sa mga bilangguan sa tibuok nasud sa ma ginsakpan niini.
Sa usa ka pamahayag, gikanayon ni BuCor Director General Gregorio Pio P. Catapang Jr. nga ang pagbawal sa paggamit sa mga social media sulod sa mga bilangguan ang alang ra usab kini sa seguridad ug aron usab nga mapabilin sa sulod sa mga pasilidad ang propesyonalismo.
Nagpahimangno usab si Catapang nga kung kinsa man ang masakpan nga makasupak sa maong pulisiya gilayon kini nga pahamtangan ug mga administrative sanctions.
Kahinumduman nga gidili na usab ang paggamit sa mga cellular phones sulod sa mga prison facilities ug sa mga penal farms.
Gumikan niini gimando karon ni Catapang ang paggamit sa mga two-way radio sa mga personnel aron nga masiguro ang tanan nga mosunod sa nasampit nga patakaran.
