Posibleng makabalik na sa Pilipinas ang pinay nga anaa sa death row sa Indonesia nga si Mary Jane Veloso karong Pasko, matod pa sa Department of Foreign Affairs (DFA).
Gipahayag ni DFA USec. Eduardo de Vega, wala pa na-finalize ang panag-estorya sa pagbalhin kang Veloso dinhi sa Pilipinas apan naglaum sila nga matapos kini sa Pasko ug mahimong magmalampuson ug dili malangan.
Gipahayag pa sa opisyal nga pipila kabulan na ang nakalabay, nag-reach out ang Pilipinas sa Indonesia sa kaso ni Veloso isip bag-ong pagsugod sa relasyon sa duha ka nasud ubos sa bag-ong Pangulo sa Indonesia nga si President Prabowo Subianto.
Unang gipahibalo ni Pangulong Ferdinand Marcos Jr. nga adunay kasabutan sa Indonesian authorities aron mapabalik sa nasud si Veloso.
