DAVAO REGION- Gipresenta sa NBI 11 sa media ang duha ka mga lalaki nga nadakpan gumikan sa pagpangilkil ngadto sa usaka negosyanting intsik sa Panabo City.
Nakompiska sa mga otoridad gikan sa posisyon sa mga dinakpan ang armas, mga bala, fake nga ID sa NBI, mga uniforms sa NBI ug uban pang mga kagamitan.
Sumala sa NBI nadakpan ang mga suspect atol sa gilusad nila nga entrapment operation sa Panabo City.
Una na sumala pang nakadawat ug reklamo ang NBI 11 gikan sa usaka chinese national labot sa exortion activity sa mga dinakpan.
Subay sa sumbong sa negosyante, gikilkilan siya sa mga suspect nga nagpa-ilang mga NBI agents.
Subay sa initial nga imbestigasyon sa NBI, dugay na nga naglihok ang mga suspect sa tibuok Davao region.
Labot niini, nag-atubang na ang mga dinakpan ug mga kasong Usurpation of Authority, Robbery Extortion, ug Violation of R.A. 10591 o mas nailang Comprehemsive Firearms and Ammunition Regulation Act of 2012 .
