Gipangunahan ni Pang. Ferdinand Marcos Jr., ang situation briefing sa Palasyo sa Malakanyang kong diin gipangayuan niini og update ang mga concerned agencies.
Ang maong panagtapok ang gisalmutan sa mga gabinete ug mga head sa nagkadaiyang government agencies.
Isip daling tubag sa panggamhanan, gikataho ni Pang. Marcos nga miabot na matud pa sa Bicol International Airport (BIA) ang C130 aircraft sa Phil. Air Force kaganihang buntag nga adunay dalang nga mga food stuff, relief items ug mga ekipo sama sa generator sets, satellite communicaton, water filtration units ug mga personnels sa Armed Forces of the Philippines.
Sumala sa Pangulo nga nadeploy na usab ang AFP og mga sundalo gikan sa Phil Army nga magbuhat sa search and rescue efforts ug humanitarian mission.
Sa pagkakaron, aduna nay kinatibuk-ang 40 ka mga rescue boats ang na deploy.
Sumala pa sa Pangulo nga iyaha ng gipasiguro sa mga concerned agencies nga daling mahatagan og tabang ang mga biktima.
Gimando na usab sa Pangulo ang pagmobilize sa mga personnel sa AFP, PNP, PCG ug BFP aron mutabang sa search and rescue operation ug pag-apod-apod sa tabang.
Mitunol usab og simpatiya ang pangulo ngadto sa mga naapektuhan sa bagyo og misaad nga nagapaningkamot ang gobyerno nga mahatag ang daling gikinahanglan alang sa atuang mga kababayan.
Dugang pa niini nga 24 oras nga nagatrabaho ang gobyerno aron mahatag ang daling tabang ngadto sa mga biktima.
