Wala damha sa usa ka magti-ayon sa Australia nga makita pa nila ang nawala nilang wedding video gumikan na usab sa tabang sa social media website nga Facebook.
Kolektor si Terry Cheyne sa mga Super 8 films.
Nabutang sa iyahang mga koleksyon ang kuha mismo sa iyahang pamilya ug mga kadugo sa ilahang lugar sa Aberdeen, Scotland.
Sa dihang gipa-digitalize niini ang mga nahisgutan, natingala kini kung nganong adunay nalakip nga usa ka video footage sa usa ka kasal nga wala usab niini na-ilhan ang mga tawo.
Aron masayran ang mga tawo sa wedding video, gi-post kini ni Terry sa local Facebook group sa mga taga Aberdenaron ipangutana kung adunay nakaila sa mga tawo nga anaa sa video.
Insakto usab nga ang bride sa video mao si Aileen Turnbull nga bag-o lang na-miyembro sa nahisgutang FB group.
Dili makatuo si Aileen nga mugawas pagbalik ang wedding video nilang magti-ayon homan nga nawala ang Super 8 film niini sa dihang wala pa sila mibalhin sa Brisbane, Australia.
Matod pa ni Turnbull nga 77-anyos na sa pagkakaron, una sila mibyahe sa Australia, nanghulam sila ug Super 8 projector ug gilantaw nila ang video.
Sa dihang giuli na nila ang projector, nakalimtan nilang kuhaon ang film sa ilahang kasal.
Ulahi na ang tanan gumikan kay sa dihang nahinumduman nila kini anaa na sila sa Australia.
Nasayran nga ang nanag-iya sa projector mao ang uyu-an ni Terry.
Dako ang pasalamat ni Aileen ug sa mister niini nga si Bill gumikan kay homan milabay ang 57 katuig, makita na nila pagbalik ang usa sa pinakamalipayong nahitabo sa ilahang kinabuhi.
