DAVAO CITY- Mibuhi na sa ilahang posisyon isip mga chairperson sa ilahang nagkadaiyang mga komiteba sa ika-20th nga Sangguniang Panlungsod ang mga konsehal sa Davao City nga sila Augusto Javier Campos III ug Wilberto Al-ag.
Si Campos nagsubmitar na sa iyang resignation letter ngadto kang Vice Mayor Quitain niadtong Oktubre 4, nga nibuhi isip chairperson sa Committee on International Relations ug Committee on Housing, Rural and Urban Development (Socialized Housing Projects), nga epektibo gilayon.
Samtang, si Al-ag nagpasa na usab sa iyang resignation ngadtong Oktubre 10, nga nibuhi isip chairperson sa Committee on Social Services ug nibiya usab isip member sa uban pang komitiba sa konseho.
Sa sesyon sa konseho niadtong Oktubre 15, 2024 sa Sangguniang Panlungsod, ang mga bag-ong chairpersons ug miyembro sa komite nga gipanumpaan ni Vice Mayor Quitain.
Si Konsehal Temujin “Tek” Ocampo ang mipuli kang Campos isip chair sa Committee on Housing, Rural and Urban Development; si Konsehal Pilar Braga misunod isip chair sa Committee on Social Services; ug si Konsehal Al-Ryan Alejandre nahimong chair sa Committee on International Relations.
Mahinumdoman, nga si Campos ug Al-ag nagsumiter sa ilang Certificates of Candidacy (COC) alang sa mga posisyon nga district representative.
Si Campos alang sa ikaduhang distrito ilawom sa Partido Federal ng Pilipinas (PFP) kaniadtong Oktubre 7, 2024, ug si Al-ag alang sa ikatulong distrito ilawom sa Lakas-Christian Muslim Democrats.
