Misaka na sa halos 100,000 ka tawo ang apektado sa kadaot nga gimugna ni bagyong Julian sa 3 ka rehiyon sa northern Luzon.
Gipahayag ni Department of Social Welfare and Development Asec. ug spokesperson Irene Dumlao, sa datos sa ilahang disaster response management, mosobra sa 29,000 ka mga pamilya o mosobra 99,000 ka tawo ang naapektuhan sa bagyo sa 311 ka mga barangay sa regions 1, 2 ug cordillera administrative region.
Samtang mukabat sa 405 ka mga pamilya o mosobra sa 1,000 ug 200 ka mga imdibiduwal usab ang nagpabilin sa 58 ka mga evacuation centers.
Nakigtinabangay na usab ang DSWD sa mga lokal nga kagamhanan aron padayong mahatdan ug hinabang ang mga apektadong residente.
Nakiglambigit na usab kini sa Office of Civil Defense aron magamit ang air ug naval assets sa Armed Forces of the Philippines (AFP) aron marespondehan ilabi na ang mga pinaka-grabeng gidaot sa bagyo sa region 2 partkular na sa Cagayan ug Batanes.
