Patay ang usa ka lady rider human nga nadisgrasya samtang nagmaneho sa iyahang motor pasado alas 2:00 sa hapon sa Coastal Road, Punta Dumalag, Brgy. Matina Aplaya ning dakbayan sa Davao.
Subay sa report sa kapulisan nga usa ka Yamaha R3 motorcycle ang gimaneho sa usa ka HONEE GRACE MONTEJO ,42-anyos minyu, residente sa Baring compound, Matina ning dakbayan sa Davao.
Sa imbistigasyon sa apulisan nasayran nga ang biktima sa wala pa nhitabo, nagsubay kini sa dalan sa Davao Coastal Road gikan sa Matina Aplaya road (LM1) padulong sa Coastal Road Punta Dumalag.
Apan pag-abot sa lugar nga nahitabuan particular nga bahin sa Malagos Mangrove, nasangit sumala ang motor sa biktima sa gutter sa maong dalan nga maoy hinungdan nga nahaybol ang biktimang rider sa semento nga karsada ug nalabay kini lima ka lakang gikan sa nahitabuan.
Tungod sa kakusog sa pagkabangga ang biktima nakahiagom ug bun-og ug bali sa kalawasan.
Dali kining girespondehan sa BDRRMC sa Brgy Bago Aplaya ug ang biktima gidala kini sa Central 911 sa SPMC apan gideklara kining dead on arrival sa doctor.
Nakaangkon sab ug danyos ang motor sa lady rider. Sa karon ang patay nga lawas sa biktima ang gipahiluna na sa iyahang kabanay.
