Gipaniguro sa Department of Health (DOH) nga di kinahanglang nga magdeklara og lockdown sa nasud nunot pa man sa pagsaka sa ihap sa nataptan og Monkeypox sa nasud.
Sumala kang DOH Assistant Secretary Albert Domingo, bisan pa man nga duna nay 5 ka positibong kaso sa mpox, kaya matud pa kining tambalan sa healthcares system sa nasud.
Gipunting sab ni Domingo nga lahi ang Covid-19 tandi sa mpox nga panit sa panit ang pagtinakdanay ug di airborne.
Gani, di matud pa bag-o ang mpox gumikan duna nay mga nataptan niini sukad pa kaniadtong disease tuig 1958.
Tambag na lamang niini nga malikayan ang mataptan sa naasoy nga sakit pinaagi sa pagsuot og jacket,taas nga pantalon inay shorts.
Sa karon, anaa na sa 14 ka mga kaso sa mpox ang natala sa nasud sukad niadtong Hulyo 2022.
