Nagatuo ang National Irrigation Administration(NIA) nga mas mutaas pa ang produksyon sa palay sa 2025.
Sumala kay NIA Administrator Aduardo Guillen nga kini ang human sa mas pagtaas pa sa ihap sa mga irrigation facilities ug mga dam sa nasud nga makatabang aron matubigan ang mga tamnanan ug humay.
Kini ang susama matud pa sa mga bag-ong dam nga giablihan bag-uhay lamang sa nagkadiayang bahin sa nasud, sama sa Western Visayas, Cordillera, Central Luzon ug uban pa.
Sumala pa nga kini ang makatabang aron mapakusgan pa ang lokal nga industriya sa bugas nga tabang na usab sa mga mag-uuma ug sa gobyerno.
Gawas niini, magamit usab ang bag-ong gibuhat nga cropping calendar kong diin ang kasamtangang duha ka cropping season sa mga NIA-irrigated areas ang buhaton na nga tulo ka cropping seasons.
Gihinganlan usab sa NIA administrator ang matud pa ‘incorporation’ o ang pagsulod ug pag-uban sa mga konsepto sa irigasyon sa mga flood control projects sa Department of Public Works and Higways (DPWH).
Ubos niini, nag-uban-uban ang NIA ug DPWH sa pagplano sa mga ginabuhat nga flood control facilities kong diin gina-ipon ang mga tubig sa maong mga pasilidad aron magamit sa mga umahan inay nga pasagdan na lamang na mapadulong kini sa kadagatan og sa kasapaan.
