-- ADVERTISEMENT --
Walay natala ang Office of Civil Defense og unsa mang kadaot human ang miigo nga magnitude 6.5 nga linog sa Surigao Del Sur kagahapon sa buntag.
Gawas niadto, gisiguro sa ahensya nga magpabilin gihapon sila nga nakamonitor sa sitwasyon sa maong lugar, atol sa pagbantay sa mga local Disaster Risk Reduction and Management Office (LDRRMOs) sa tibuok rehiyon.
Una nang gipapha sa Philippine Institute of Volcanology and Seismology (PHIVOLCS) ang kabalaka sa publiko kalabot sa tsunami human sa maong linog nga nahibal-an nga misentro sa gilay-ong 67 kilometer amihanang sidlakang bahin sa Lingig, Surigao del Sur.
Aduna kini gilawmong napulo ka kilometro samtang tectonic ang ginatudlong sinugdan niini.
