Misaka na sa 21 ang mga nakabsan sa kinabuhi gumikan sa epekto ni Bagyong Carina.
Subay sa report sa kapulisan, naggikan ang mga nakabsan sa kinabuhi sa Metro Manila, Calabarzon, ug Central Luzon tungod sa mga pagbaha nga pagbaha nga dala sa Habagat ug Bagyo.
Sumala pa usab sa kapulisan, sa bahin sang Calabarzon, 11 ang kumpirmadong patay, samtang tulo sa Central Luzon, ug pito sa Metro Manila.
Mokabat sab sa 1,115,272 ang naapektuhan sa daot nga panahon sa nagkadaiyang bahin sa nasud.
Ning kasamtangan, anaa pa sa 51,726 ang nagpabilin sa mga evacuation centers tungod sa mga pagbaha ilabi sa NCR.
Ipailawom sab kini sa validation sa NDRRMC ang nasampit nga mga ihap sa mga nakbsan sa kinabuhi nga una ng gibutyag sa ahensya nga adunay 14 ang nakabsan sa kinabuhi tungod sa duha ka mga bagyo.
Una na sab nga gibutyag sa nasampit nga ahensya nga adunay inisyal nga 9.7 million ang danyos sa agrikultura, ug midanyos sab kini sa 49 ka mga kadalanan ug walo ka mga tulay nga dili na maagi-an ug nakahatod ug epekto sa 69 ka mga syudad ug munisipalidad sa hisgutanang elektrisidad.
Samtang adunay 292 ang nadanyos sa kinatibuk-an.
