Gihatagan ug royal title ni King Charles III ang lahi nga breed sa kanding nga Golden Guernsey Goat! Gibisita ni King Charles III sa United Kingdom ang Guernsey, kung diin ang nahisgutang lugar ang usa sa mga channel islands nga makaplagan sa English Channel haduol sa kabaybayunan sa Normandy France.
Usa kini ka crown dependency sa United Kingdom nga nagpasabot nga aduna kini kaugalingong gobyerno ug mga balaod, apan ang UK ang responsable sa depensa ug international representation niini.
Ang nahisgutang lugar ang ilado usab sa agrikultura, ilabi na ang mga baka ug kanding nga naila sa hataas nga kalidad sa gatas.
Sa pagbisita sa hari sa nahisgutang lugar, ang usa sa tumong niini nga hatagan ug royal title ang breed sa kanding nga Golden Guernsey Goat ug tawagon na kining Royal Golden Guernsey Goat.
Kini ang unang higayon sa kasaysayan nga mihatag ang royal family ug ingon niining titulo sa usa ka livestock breed.
Nahuna-hunaan nga hatagan kini ug royal title gumikan kay ang matang sa kanding ang hapit na ma-extinct ug considered at risk na kini, matod pa sa UK rare breeds watchlist.
Nagtuo sila nga sa higayong makabaton na kini ug royal title, magbaton ug awareness ang kadaghanan sa pagkahurot sa matang sa mga Golden Guernsey Goat.
