Gihukman nga sad-an sa Tagum City Regional Trial Court Branch 2 karong adlawa si kanhing Bayan Muna Rep. Satur Ocampo ug Alliance of Concerned Teachers (ACT-Teachers) Rep. France Castro sa kasong Child Abuse gumikan sa pagdala sa katorse ka mga batang Lumad nga gikan sa munisipalidad sa Talaingod, Davao del Norte.
Tungod niini girekomenda sa korte nga mabilanggo ang mga nahisgutan sa upat ngadto na sa walo ka tuig.
Nasayran nga niadtong 2018 ang mga bata nga gidala niadtong panahuna sa mga gihukman nga mga indibidwal ang tinun-an sa Salugpongan nga tulunghaan nga kini ang gipasirado sa kagamhanan.
Una ng gipaklaro sa mga akusado nga igo lamang nila kinig gipang-ubanan niadtong tungura tungod sa naangkon sumala pa niini nga pagpangharass sa mga paramilitary ug mga kasundaluhan nga ilahang gibyahe niadtong tungura sa gabii.
Gitawag kini nga “Talaingod 18” sa mga Lumad advocates, ug gibutyag niini nga kini usa ka pagpanglupig ug usa sumala pa ka red-tagging Lumad schools ug sa ilahang mga supporters.
Una ng gibasura ang kasong trafficking sa Talaingod 18 gumikan sa maong panghitabo.
