Mukabat sa P5M ang kantidad sa mga papremyong ipang-apod-apod sa lokal nga panggamhanan sa dakbayan alang sa umalabot nga 39th Kadayawan Festival 2024.
Ang maong festival ang usa sa labing gina-atangan sa katawhan hilabi pa sa mga boot mopasundayag ug molaag sa maong selebrasyon.
Sa maong kantidad, P1.1M ang premyo nga madawatan sa Grand Winner sa Indak-Indak sa Kadayawan diin mas taas kini kung itandi sa P1M nga premyo sa nakalabayng tuig.
Samtang, nagpabilin sa P500K ang premyo alang sa makakuha sa ikaduhang pwesto, P400K sa ikatulo, 300K sa ika-upat, ug P200k alang sa ikalimang pwesto.
Kabahin niini, daghanang mga grupo na ang excited ug nagapangandam na sa maong aktibidad aron nga madawat sa gikanayong mga papremyo.
Ning kasamtangan, ginasugdan na usab sa lokal nga panggamhanan ang preperasyon sa umalabot nga Indak-Indak karong Agosto 18, 2024.
