Giawhag ni Mayor Baste Duterte ang mga dabawenyo nga dili mabalaka sa mga nahitabo sa syudad karong panahona.
Sumala pa sa mayor, walay angay kabalak-an ang katawhan sa mga nahitabo sa dakbayan gumikan alang kaniya nagpabilin gihapong solid ang Davao City.
Hinoon, giklaro sa mayor nga nabantayan niini ang mga ginabuhat batok sa syudad rason nga gihangyo niini ang publiko nga inay manlaban, obserbahan na lamang.
Gitagaan og gimbug-aton sa nahisgutan ang democratic process kon diin maghulat na lamang sa saktong panahon kung aduna may mabantayan sa kasamtangang administrasyon.
Wala niini direktang gibutyag nga kini ang hingdan sa mga nahitabo karon apan posibleng adunay kalabutan ang posisyon sa iyang igsuon nga si Vice President Sara Duterte.
Sigon pa sa mayor nga kung galing adunay mahitabo nga dili maayo sa syudad, kargo kana sa mga nagpaluyo niining tanan.
Giklaro sab ni Baste nga wala pa sila nagkahinabi sa amahan kabahin sa mga nahitabo sa dakbayan apan gitagaan niiini og gimbug-aton ang demokrasya kung asa moagi og saktong proseso ang tanan.
Ning kasamtangan, giawhag niini ang katawhan sa pagsunod sa balaod nga gipatuman sa dakbayan
