DAVAO CITY- Nakaplagan sa usa ka langyaw ang usa ka patay nga lawas sa lalaki pasado alas otso kaganihang buntag sa Bypass Road, Brgy. Catalunan Pequeño, ning dakbayan sa Davao.
Subay sa inisyal nga report sa kapulisan, ang biktima nakasuot ug sando nga T-shirt, naka-brown ug short pants.
Ang wala mailhing biktima nakahigaom kini ug samad dinunggaban sa iyahang kalawasan ilabi na sa liog niini.
Una ng gitaho sa kapulisan sa traffic enforcer sa CTTMO nga si Roberto III Pormento Bersabal ang maong patay-nga lawas nga samatang padulong kini sa iyahang trabaho, kalit lang nga miduol kaniya ang usa ka US National nga si Richard Wendell Toliver, ug nangayo’g tabang sa nakita nining patay nga lawas daplin sa karsada nga anaa kini sa kugunan nga bahin.
Sa karon nagpadayon pa ang gihimong imbistigasyon sa Baliok PNP aron nga mailhan ang pagkatawo sa biktima nga naligo sa dugo ang kaugalingon niini.
Sa lugar nga gilabayan sa biktima walay narekober nga mga gamit ug kini gituohan nga gilabay lamang ang biktima sa nasampit nga lugar.
