Gitanyagan sa Estados Unidos ang Ukraine nga itugyan niini ang eastern Donbas ngadto sa Russia baylo sa pagkamiyembro niini sa North Atlantic Treaty Organization o NATO.
Matud ni Ukrainian President Volodymyr Zelensky, unang higayon kini nga gipataas sa mga negosyador sa US ang maong sugyot atol sa ilang bag-ong panaghisgot sa posibleng pagtapos sa gubat tali sa Ukraine ug Russia.
Apan gipasiugda ni Zelensky nga dili andam ang Ukraine nga mobiya sa ilang teritoryo. Giingon usab niini nga andam siyang ipasusi sa publiko ang maong ideya kon makahatag ang Estados Unidos ug mga kaalyado niini og komprehensibong garantiya sa seguridad, lakip ang lig-on nga kasundalohan sa Ukraine ug proteksiyon gikan sa NATO ug European Union.
Samtang, gipatin-aw ni kanhi US Ambassador to Ukraine William Taylor nga dili lamang Estados Unidos ang makadesisyon sa pagdawat sa Ukraine isip miyembro sa NATO tungod kay gikinahanglan makauyon ang tanang miyembrong nasud niini.
Wala usab nakab-ot og kasabutan ang bag-ong peace talks tali sa Ukraine ug Russia nga gipasiugdahan sa Estados Unidos sa Abu Dhabi, United Arab Emirates, bisan pa sa pag-apil sa mga mando ni US President Donald Trump.
Sa maong panaghisgot, lakip usab sa mga gihisgotan ang bag-ong security framework alang sa Europe ug ang padayon nga mga restriksyon sa paggamit sa Ukraine sa Starshield satellite system sa SpaceX.
