DAVAO CITY- Naghatag karon ug katin-awan ang Mindanao South 1 Division sa Social Security System alang sa ilahang business operations sa walo ka mga sangang buhatan niini dinhi sa Davao region nga walay kausaban bisan pa man nga ginapatuman na sa SSS ang flexible work arrangement ngadto sa mga empleyado.
Gikanayon ni SSS Vice President sa Mindanao South 1 Division nga si Mary Ellen A. Estoque nga ang mga sangang buhatan sa rehiyon nga nahimutang dinhi sa Davao City, Davao-Toril, Digos, Panabo, Tagum, Mati, ug Bislig City nga pabilin nga abri sa matag Lunes hangtod Biyernes, gikan sa alas 8 sa buntag hangtod alas 5 sa hapon.
Samtang ang mga buhatan sa SSS nga anaa sa mga malls, sama sa Davao-Ilustre ug Robinsons Tagum Service Office, mag-abri sa buhatan gikan sa alas 9 sa buntag hangtod sa alas 6 sa gabii.
Samtang ang NCCC Davao Service Office, adunay kaugalingon nga schedule nga gikan sa Martes hangtod Sabado, nga mag-abri sa alas 9 sa buntag hangtod alas 6 sa gabii.
Nasayran nga niadtong Hunyo 3, nagsugod na ang SSS sa pagpatuman sa mga patakaran sa ilahang mga corporate offices, apan gipklaro niini nga nwalay nahitabong kausaban sa operating hours sa ilahang mga buhatan dinhi sa rehiyon.
Samtang gbutyag ni Estoque nga mamahimo na nga mapahimuslan sa mga miyembro ang online services sama sa pag-update sa kontrbyudyon, pag-apply ug loan ug uban pa nga mga transaksyon nga abri kini 24/7 sa My.SSS Portal.
