DAVAO CITY- Mukabat sa kapin P7,000 ang kantidad sa illegal nga droga nga nasakmit sa mga otoridad atol sa gilusad nga drug-buy bust operation sa Purok 7, Brgy. Aplaya, Digos City, kagahapon.
Sa inisyal nga imbestigasyon sa mga otoridad, wala na nakaikyas pa ang suspek nga giilang si Niño Paran alias “Pango, Regional Target No. 2, 27 anyos, usa ka truck driver ug residente sa maong lugar human kini positibong napalitan og kapin kon kulang 1.03 grams sa illegal nga droga kon shabu gamit ang P1,000 nga marked money.
Nakuha usab gikan sa dinakpan ang laing tulo ka pakete sa iligal nga droga lakip na ang .22 cal revolver nga adunay upat ka mga buhing bala, ug uban pang drug paraphernalias.
Ning kasamtangan, anaa na sa kustodiya sa mga kapulisan ang suspek ug mag-atubang kini og kasong kalapasan sa RA 9165 kon Comprehensive Dangerous Drugs Act of 2002.
