DAVAO CITY – Gimanduan sa National People’s Coalition kon NPC nga tanggalon na si suspended Bamban, Tarlac Mayor Alice Guo gikan sa listahan sa ilahang mga miyembro tungod sa mga pasangil nga nalambigit kini sa iligal nga Philippine Offshore Gaming Operator kon POGO hub sa lungsod niini.
Sa sulat nga adunay petsa na Hunyo 22, gimando ni NPC Chairman ug kanhing Senate President Vicente “Tito” Sotto III ang order human nga midawat og petisyon gikan kay Tarlas Governor Susan Yap niadtong Hunyo 17 ning tuiga.
Sa sulat niini, una ng gikanayon ni Yap nga dili makahatag si Guo og compelling evidence nga makapamatuod nga walay kamatud-anan ang mga pasangil batok kaniya. Base sa mga taho, gimando sa Office of the Ombudsman ang suspensyon ni Guo human ang mga reklamo nga gipasaka sa Department of Interior and Local Government kon DILG.
Gawas niini, nag file usab og kaso ang Philippine National Police- Criminal Investigation and Detection Group ug ang Presidential Anti-Organized Crime Commission og qualified trafficking batok kay Guo tungod sa pasangil nga konektado kini siya sa labor trafficking sa mikabat sa 500 ka langyaw nga POGO workers.
Gimanduan usab sa DILG ang National Police Commission niadtong Mayo 20 nga i-revoke ang deputization ni Guo sa ginsakupan niining lugar tungod sa susamang hinungdan.
