Nakahimo og kasaysayan ang International Broadway Diva nga si Lea Salonga human siya nahimong unang Filipino nga nakadawat og star sa Hollywood Walk of Fame.
Gihatag ang maong pasidungog ngadto sa Broadway icon isip pag-ila sa iyang kapin 45 ka tuig nga kontribusyon sa live performance, teatro ug entertainment industry.
Nailhan si Salonga isip unang Filipino ug unang Asian nga nakadaog og Tony Award for Best Actress in a Musical pinaagi sa “Miss Saigon.”
Nakadaog usab siya og Laurence Olivier Award ug nailhan isip singing voice nila Princess Jasmine sa “Aladdin” ug Mulan sa Disney.
Atol sa unveiling ceremony, gitambongan siya sa mga artists, pamilya, higala ug Filipino fans nga nagpakita og suporta sa iyang historic achievement.
Sa iyang speech, gipasiugda ni Salonga nga dako ang kahulogan sa maong pasidungog alang sa Filipino ug Asian artists nga padayong naga-break og barriers sa global entertainment.
Gilauman niya nga mahimong inspirasyon ang iyang star ngadto sa mga batang Pilipino nga nangandoy nga makaabot usab sa Hollywood.
Ang maong recognition usa na usab ka dakong milestone sa iyang taas ug prestihiyosong career.
