DAVAO CITY- Giklaro ni Councilor Bonz Andre Militar nga dili na kinahanglang ang usa ka ordinansa alang sa pagbuhat og Dabawenyo card tungod gibuhat na kini isip executive order atol sa pangatungdanan ni kanhing Davao City Mayor ug karon Vice President Sara Duterte.
Sumala pa sa maong konsehal nga mabutyag na niini karong adlawa atol sa committee hearing ang completion date sa Dabawenyo Card System kauban ang City Information Technology Center kon CITC.
Sa inisyal nga impormasyon gikan sa CITC, matud pa ilaha ng mokumpleto ang maong systema sulod lamang sa duha ka bulan human sa maong committe hearing.
Pagpasabot pa ni Konsehal Militar nga ang maong system ang mugamit sa datos gikan sa Davao QR Code apan dili magbalik-balik.
Ang maong nahisgutang QR Code ang una ng nagsilbi isip tracking system samtang ang Dabawenyo card ang magtugot sa mga residente nga makakuha og mga benepisyo nga ginahatag sa lokal nga panggamhanan.
Dugang pa usab ni Militar nga pinaagi sa maong Dabawenyo card, mas mapadali usab ang aplikasyon sa lingap ug medical expenses sa Southern Philippines Medical Center kon SPMC.
Ang maong mga benepisyaryo ang mamahimong ipakita na lamang ilahang Dabawenyo card aron makadawat og prayoridad nga serbisyo.
Mas mapadali na usab ang pagproceso og mga dokumento, og ang irequire na lamang mao ang mga essential nga dokumento susama sa bill sa ospital.
via/ DMA
