Nagbangga ang mga barko sa Pilipinas ug China samtang anaa kini naglawig sa Ayungin Shoal.
Kini ang gitaho sa China Coast Guard nga nahitabo ang panagbangga sa submerged reef sa Spratly Islands sa West Philippine Sea kaganihang buntag.
Sa gipaguwa nga pamahayag sa CCG, gibaliwala sumala pa sa resupply ship sa Pilipinas ang daghang higayon nga pahimangno nga gikan sa bahin sa China.
Giakusahan sab niini ang barko sa PH nga miduol sa unprofessional nga pamaagi nga miresulta sumala pa sa panagbangga.
Gipasanginlan sab sa CCG ang barko sa PH nga ilegal sumala pa nga misulod sa kadagatan nga duol sa Ayungin shoal sa Spratly Islands.
Dugang pa sa CCG nga nagpahigayon na sumala pa sila ug control measures batok sa barko sa PH nga nahisubay sa balaod.
Sa karon, wala pa’y gipaguwa nga pamahayag ang bahin sa PH mahitungod sa labing bag-o nga insidente sa Ayungin shoal sa WPS nga nahisakop sa exclusive economic zone sa atong nasud.
