DAVAO DE ORO- Nakadawat ug mga hinabang pinansyal ang probinsya sa Davao de Oro ug kantidad nga P1 million nga kini usa ka ayuda human sa nasunati-an nga mga pag-ulan,pagbaha ug padahili sa yuta tungod sa shear line nga apektado ang tibuok probinsya sa unang bahin katong tuiga.
Samtang gawas sa Davao De Oro, nakadawat sab ang mga sikbit nga mga munisipalidad sama sa Kapalong sa Davao del Norte, samtang nakadawat saug ayuda nga pinansyal ang Lupon ug Caraga sa probinsya sa Davao Oriental human nga naapektuhan usab kini sa shear line ug Tropical Cyclone sa nakalabay nga tuig.
Mokabat sa P2,250,000 ang kinatibuk-an nga nahatag nga financial assistance kung diin sa Davao de Oro adunay usa ka million, Kapalong, Davao del Norte adunay (P500,000), Caraga, Davao Oriental adunay (P500,000)ug ang Lupon, Davao Oriental adunay nadawat nga (P250,000).
Buot sab karon sa LGU Makati nga ipaambit sa mga nasampit nga mga lugar ang best practices niini kabahin sa disaster response and preparedness aron nga matabangan ang ubang local government units sa tibuok nasud kabahin sa hisgutanang daot nga panahon.
