Padayon ang pakiglambigit karon sa Overseas Workers Welfare Administration ngadto sa mga pamilya sa mga kababayang Overseas Filipino Workers nga naapektuhan sa nahitabong sunog sa Kuwait bag-uhay lamang.
Sumala kang OWWA Administrator Arnell Ignacio, wala mihunong ang ilang ahensya sa paghatag ug gikinahanglang suporta sa mga naapektuhan sa trahedya, sa ilang pamilya ilabi na sa tulo ka mga kababayan nga namatay gumikan sa nahisgutang panghitabo.
Samtang, hinanali usab sumala pang milihok ug giadtuan sa mga personahe sa Department of Migrant Workers at Overseas Workers Welfare Administration-Kuwait ang mga OFW nga biktima sasunog subay na usab sa direktiba ni Pangulong Ferdinand “Bongbong” Marcos Jr. ngadto kanila.
Sa pikas bahin, gipahugtan usab sa OWWA ang ilang koordinasyon sa Department of Foreign Affairs at Department of Migrant Workers aron masiguro ang paspas nga pagpauli sa patay nga lawas sa mga biktima ug aron masiguro usab ang kaluwasan sa uban pang mga kababayan sa nahisgutang nasud.
