DAVAO REGION- Nagmalampuson ang pagpahigayon sa Kalayaan Job Fair 2024 kagahapong adlawa sa usa ka mall niining atoang dakbayan sa dabaw.
Sumala sa gipagulang datos sa Department of Labor and Employement-Davao Region nga miabot sa 1,258 jobseekers ang natala sa maong job fair.
Sa maong ihap, 617 niini ang mi-apply alang sa local samtang ang 587 na usab ang alang sa overseas.
Pagbutyag usab sa maong buhatan nga 44 ka mga applikante ang na hired on the spot diin usa niini ang na hired alang sa trabaho abroad.
Samtang sa pikas bahin, mikabat sa 112 ka mga applikante ang gilabel nga ‘near hired’ diin 66 niini ang mi apply locally ug 46 niini ang overseas.
Ang maong Kalayan Job Fair ang tinuig nga aktibidad sa DOLE XI inubanan sa Davao City Public Employment Service Office kon PESO nga naghatag og daghang opurtunidad sa mga aplikanteng dabawenyo.
Anaa usab sa maong event ang presensya sa Department of Migrant Workers, PESO, ug Ang 44 employers diin mao ang naka offer ug daghanang trabaho ngadto sa mga dabawenyo.
Samtang sa pikas bahin gitubag ni Atty. Jayson Balais, Acting Regional Director sa DOLE XI ang kalabot sa isyu nga job matching. Matud pa niini nga ning kasamtangan anaa gihapoy isyu sa job and skills mismatch.
Pagpasalig usab niini nga padayon kini ginalantawan sa DOLE XI inubanan sa partner niini sa sektor sa edukasyon.
