DAVAO CITY- Nagpasidaan ang tigpamaba sa Davao City Police Office nga si Police Captain Hazel Tuazon ngadto sa mga magsisibya nga dili dayon-dayon nga magpagawas og usa ka balita nga walay validation o research nga gibuhat.
Kini nga pamahayag ang giluwatan sa maong opisyal human nga migula ang hisgutang adunay gipagawas nga impormasyon nga gisibya sa ere ning milabayng adlaw sa programa ni TV ug radio anchor nga si Noli de Castro.
Sa maong balita, gibutyag nga 37 ka mga pulis sa DCPO ang matud pa nagpositibo sa drug test.
Sumala pa ni Tuazon nga usa kini ka sayop nga impormasyon ug pagpaklaro niinii nga walay nagpositibo nga pulis sa Davao City sa ilegal nga droga. Gumikan kay kini ang kabahin sa hugot nga lakang sa pakigbatok sa ilegal nga droga sa maong ahensya.
Pahinumdom ni Tuazon ngadto sa mga magsisibya nga ayha pa man magpagawas og impormasyon, siguraduhon una og lehitimo ba kini og adunay ebidensya gikan sa mismong buhatan, ilabi na kong ang maong impormasyon ang sensitibo og maka-apekto dili lamang sa usa ka indibidual lakip na sa usa ka organisasyon sa gobyerno.
via // DMA
