Magpahigayon ang International Criminal Court (ICC) Trial Chamber III og status conference karong Miyerkules, Setyembre 16, 2026, sa kaso nga crime against humanity batok kang kanhing Pangulong Rodrigo Duterte.
Sugdan ang hearing alas-4:30 sa hapon, oras sa Pilipinas, o alas-10:30 sa buntag sa The Hague. I-livestream kini pinaagi sa opisyal nga mga channel sa ICC.
Hisgutan sa ikatulong status conference ang listahan sa mga saksi ug ebidensiya sa prosecution, lakip ang mga disclosure nga isumiter ngadto sa defense.
Tukion ang allotted time alang sa prosecution sa pagpresentar sa ilang kaso, ingon man ang mga posibleng dugang nga insidente nga mahimong iapil sa proceedings.
Ilakip sa agenda ang pagtakda sa schedule alang sa trial proper nga gisugyot nga magsugod sa Nobyembre 30, 2026. Apil niini ang proposed consecutive hearings, mga break, ug sitting hours.
Atubangon usab ang isyu sa fitness for trial ni Duterte. Bag-ohay lang, mihangyo ang ICC prosecution sa Trial Chamber III nga ideklarar ang kanhing pangulo nga fit for trial, human sa medical evaluations nga gihimo sa panel of experts.
Wala pa matino kung personal nga motambong si Duterte, apan gikinahanglan gihapon niya nga ipresentar ang iyang kaugalingon atubangan sa mga ICC judges sukad sa iyang pagdakop kaniadtong Marso 2025.
