DAVAO CITY – Hugtanong gipasalig sa amahan ni Pinoy boxer Nesthy Petecio ang kalampusan sa iyang anak alang sa umalabot nga 2024 Paris Olympics.
Sa ekslusibong pakighinabi sa Bombo Radyo Davao kang Teodoro Petecio sa iyang gagmay nga boxing camp sa probinsya sa Davao del Sur, iyang gikanayon nga gisaad ni Nesthy sa iyang nitaliwan nga lolo ang iyang kadaugan sa nahitabong 1st World Qualification Tournament sa Busto Arsizio, Italy, niadtong Marso.
Wala sab nagpapildi ang boksidor gumikan sa pagpatumba niini kang Esra Yildiz sa Turkey atol sa women’s 57kg category semifinals sa maong torneyo.
Naghinam-hinam na sab ang pagpangandam ni Nesthy sa pinaagi sa intensity drills ug sparring sessions niini dinhi man o karong gawas sa nasud alang sa pagpaugnat sa iyang stamina sa boxing ring.
Isip amahan ug kanhi coach ni Nesthy, nagtuo si Tatay Teodoro nga mupatigbabaw ang limpyo nga kasing-kasing sa pag-dula ug pagbaton og disiplina niini taliwala sa dili maayong paghukom sa jury sa matag fight nga iyang gisalmutan.
Gidayeg pag-ayo ang performance ni Nesthy niadtong Tokyo 2020 Olympics diin iyang nakuha ang silver medal sa women’s featherweight division.
Dili lamang si Nesthy ang musabak sa boxing ring karong Paris Olympics tungod mudungan sab nga makig-agbat alang sa medalya sila Carlo Paalam nga taga-Cagayan de Oro City, ug Eumir Marcial nga taga-Zamboanga City.
Silang tulo nga dunay dugong Mindanaoan nga andam nang mu-rambol alang sa Pilipinas.
