DAVAO CITY- Maglusad ang Interfacing Development Interventions for Sustainability kon IDIS og Lunhaw Expo 2024 nga mahitabo karong umaabot nga Setyembre 18-20, 2024 isip hulip sa tinuig nga Lunhaw Awards.
Matud pa nga highlight sa maong akibidad mao ang ‘green initiative awardees’ sa Dakbayan. Sumala pa ni Yvette Balayon- Mahinay, IDIS knowledge manager officer nga ning tuiga aduna silay kapin usa ka gatos nga Lunhaw Awardees sa syudad.
Dugang niini nga maong ihighlight ang maong mga indibidual aron mahibal-an ang kahimtang sa ilang mga inisyatiba ug imbitahon ang mga Davaoeño sa pagsundog sa ilang mga inisyatibo.
Busa ginalauman gayud sa maong grupo nga adunay mahitabong Lunhaw nga panaghisgot atol sa maong event.
Ang maong tulo ka adlaw nga aktibidad ang pagabuhaton sa SM City Annex kauban ang City Environment and Natural Resources Office, City Agriculturist Office ug uban pa.
Lakip sa nagkadiayang kategorya sa maong aktibidad mao ang organic agrikulture, pagkonserba sa tubig, pagkonserba sa enerhiya, pagdumala sa kabaybayonan ug kadagatan, mga inisyatibo nga nakabase sa lasang, ug uban pang mga green initiatives.
via// DMA
