DAVAO CITY- Mopasaka og motion for consideration karong semanaha ngadto sa Regional Trial Court 15 sa Dakbayan sa Dabaw si Kanhing MinDA Chair Maria Belen Sunga-Acosta human nga gibasura sa RTC ang gipasaka niini nga “quo warranto”.
Ang maong quo warranto nga gipasaka ni Acosta ang saktong legal remedy aron nga matumbok ang katungod isip usa ka personalidad nga adunay gihuptan nga katungdaan o dili kaha magtumbok sab kini kung angayan pa kining pahawaon sa iyahang katungdanan.
Si Acosta ang milingkod isip Chair sa MinDA human kini siyang gituboy kaniadtong Enero 2022 ni kanhing Pangulong Rodrigo Duterte diin aduna kini siyay unom ka tuig nga katungdaan isip tigdumala sa maong buhatan.
Kahinumdumang gitangtang si Acosta sa pwesto human nga gituboy ni Pangulong Ferdinand Marcos Jr. si Leo Tereso Magno isip bag-ong MinDA chairperson ug nanumpa kini niadtong Mayo 21, 2024.
Una nang gipamahayag ni Executive Secretary Lucas P. Bersamin nga gitaktak si Acosta tungod sa “loss of trust and confidence.”
Samtang kagahapong adlawa lamang gipahibalo na ngadto sa publiko sa RTC Branch 15 ang ilahang desisyon nga si Leo Tereso Magno, mao ang ilhong legal chairperson sa Mindanao Development Authority kon MinDA.
via// DMA
