DAVAO ORIENTAL- Giabisuhan karon ang tanang mananagat kon mga sakyanang pangdagat nga naga-agi sa kadagatang sakop sa Davao Oriental nga likayan una karong panahuna ang pagpanagat ilabi na kung moadto sa mga lagyong bahin.
Kini ang gipaguwa nga pahimangno sa Coast guard Davao Oriental gumikan sa epekto sa Tropical Depression Aghon.
Samtang giawhag sab niini ang mga nahisgutan nga mag monitor kanunay sa lakat sa panahon aron malikayan ang mga kadaot nga hatod sa peligro sa panahon dala sa bagyo.
Samtang gipa-alerto na sab karon ang mga sub-station sa mga munisipalidad sa probinsya nga mag-igmat usab sa iahang tagsa-tagsa ka mga AOR. Giawhag sab ang publiko nga kontakon ang mga updated nga mga Emergency Hotline number sa mga nagkadaiyang substation.
