DAVAO CITY- Nakamugna ug bug-at nga dagan sa trapiko ang nahitabong pagkasangit sa usa ka truck sa beam nga gitukod nga fly-over sa diversion road, Maa ning syudad sa Davao.
Nahitabo ang pagkasangit sa trailer truck kagainang ala-una sa kaadlawon nga gimaneho sa drayber sa truck nga si Danielle Tulingin Celiz, minyo, 28 -anyos nga residente sa Davao De Oro.
Samtang nakapangalan og nakarehistro Ang maong truck sa usa ka Dan T. Saren, DOLE Philippines incorporated.
Sumala pa sa initial nga imbestigasyon sa MAA-PNP nga naglawig padulong sa northbound ang maong truck nga gi occupy ang middle lane, apan pagkaabot niini sa naasoy nga dapit, nasangit ang windshield sa low-beamed portion sa gina construct nga fly-over.
Gumikan sa kakusog sa impact nadaot ang atubangan nga portin sa maong truck. Dali sab kining girespondehan sa mga otoridad ang maong panghitabo.
Nasayran nga sa karon nagpadayon pa gihapon ang pagtukod sa fly-over sa Maa ning syudad nga adunay kinatibuk-an nga budget nga mokabat sa 1.4 billion pesos nga adunay gitas-on nga 818 meters.
Samtang ang driver sa maong truck anaa na sa kostudiya sa PNP samtang ginalihok usab sa LTO ang disciplinary action alang niini.
via// DMA
