-- ADVERTISEMENT --
DAVAO CITY- Ilusad sa City Tourism Operations Office kon CTOO karong umaabot nga bulan sa Hunyo ang “Duaw Davao” summer tourism campaign diin man usa kini ka unique nga festival nga dugang saulugon matag tuig. Sumala pa ni CTOO Head Jennifer Romero nga ang bag-ong festival nga Duaw Davao ang mokompleto sa mga festival nga ginasaulog matag quarter sa usa ka tuig.
Alang sa unang quarter, aduna kitay ginaselebrar nga Araw ng Davao; sa second quarter mao ang maong bag-ong festival nga Duaw Davao; Kadayawan alang sa ikatulong quarter ug Pasto Fiesta alang sa pinaka-ulahi nga quarter.
Matud pa ni Romero nga ang maong summer festival ang magtuyok sa upat ka components nga mao ang Davao Tourism, the Feast of San Pedro, Pride Month, ug Lifestyle and Leisure. Dugang nga ni Romero nga tungod ang bulan sa Hunyo ang natunong sa Pride Month, nakadesisyon ang buhatan sa CTOO nga pagabuhatong main activity sa maong festival ang Reyna ng Davao.
Sigon pa niini nga nakipagkoordina na sila sa mga nagkadaiyang grupo sa LGBT alang ning tuiga nga pageant. I-highlight usab atol sa maong event ang kasaysayan ug urban tourism subay kana sa pagselebrar sa ika 176th Parochial Fiesta sa San Pedro Cathedral.
Nakahan-ay na usab alang sa bulan sa Hunyo ang Music, Arts, Sports, Eco and Agricultural Tourism activities ug pipila ka fairs ug bazaar.
Mahitabo kining Duaw Davao summer festival karon umaabot nga Hunyo 20-Hunyo 30 ning tuig kasamtangan, Ning kasamtangan, naga finalize na usab ang buhatan sa CTOO alang sa schedules sa mga event sa maong summer festival.
via|| DMA
