DAVAO CITY – Gikatala sa Bureau of Fire Protection 11 ang pagsaka sa mga kaso sa sunog sa Davao Region niadtong ikaduhang bulan sa tuig 2024. Sumala kang Insp. Paul Jorge Barozzo, BFP XI Spokesperson, anaa sa 135 fire incidents ang natala, nga mas hataas og 39% kon itandi sa susamang panahon sa milabayng tuig.
Dugang pa nga electrical ang nag-unang hinungdan sa mga sunog, ikaduha ang open flame, ug ang ikatulo nga tinubdan sa sunog mao ang sigarilyo.
Usa sab nga gitutukan nga hinungdan sa mga sunog ang ilabihang init nga panahon nga nagresulta sab sa pag-ulbo sa kalayo. Sumala ni Barozzo nga misaka usab ang mga insidente sa sunog sa mga establisymento sa maong bulan sa rehiyon.
Nagpadayon gihapon ang pahimangno sa BFP 11 nga ampingan ang kinabuhi ug kabtangan nga makalikay sa sunog ilabi na sa paghinuimdom sa Fire Prevention Month karong bulan sa Marso.
